الحق نفسك قبل المدفع ما يضرب

استعرض الموضوع السابق استعرض الموضوع التالي اذهب الى الأسفل

الحق  نفسك قبل المدفع ما يضرب Empty الحق نفسك قبل المدفع ما يضرب

مُساهمة من طرف zmlksmly في 2019-05-21, 02:32


الحمد لله والصلاة والسلام على خير خلق الله ..
سيدنا محمد بن عبد الله وعلى آله وصحبه ومن والاه ..
أما بعد ..



طبعا كلنا داخلين على رمضان بإذن الله وكل عام وأنتم بخير ..


وعارفين كلنا الجمله المشهورة اللي بتتقال في رمضان ..
اقولها ولا فاكرينها ..
طيب صلوا عالنبي .. صلى الله عليه وسلم ..

تلاقي الناس كلها كل ما حد يكلمهم يتنرفز عليك ويقول لك يعم سيبه في حاله أصله صايم ..
تصدق أنا مكنتش عارف إنه صايم !!!

وكأن الصيام ده حاجه بتشيط الأعصاب .. بيبوظ الاخلاق .. بيتسبب في سوء المعاملات .. عياذا بالله !!!
عاوزين من دلوقتي نبدأ نتدرب على الصيام ..
ومع التدرب على الصيام نحاول نحسن من أخلاقنا شويه ..
اللي بيتعصب بسرعه يبدأ يكظم غيظه شويه ..
وياخد الهدية دي من النبي صلى الله عليه وسلم ..
قال صلى الله عليه وسلم : " و من كظم غيظا و لو شاء أن يمضيه أمضاه ملأ الله قلبه رضى يوم القيامة "
[ رواه ابن أبي الدنيا وحسنه الألباني ]

يعني لما واحد زي حالاتي ينرفزك .. قول له متستاهلش أطلع زهقي فيك .. أنا عاوز ربنا يرضيني يوم القيامة ..
وتقول .. اللهم اخزيك يا شيطان يا وحش .. وتعد كده جمب حيطة على جمب كده .. لوحدك خالص .. وتعد تستغفر من ذنوبك اللي بتخليك تتنرفز على الدنيا كلها كده ..
يبقى لازم نستعد لرمضان بجد من دلوقتي ونجهز شنطة رمضان ..
بس مش شنطة فيها بلح وتمر هندي وقمر الدين وياميش وكنافه وبسبوسه وأم علي وأنا جوعت والله .. الله يسامحكم ..

لا مش دي الشنطة اللي هنجهزها ..
احنا هنجهز شنطة تانيه خااااالص ..

اسمها عدة رمضان ..
ربنا عزوجل قال ( ولو أرادوا الخروج لأعدوا له عدة ) ..
يعني اللي ناوي يصوم صيام مظبوط ربنا يتقبله منه .. هيبدأ يستعد له قبل ما ييجي ..
اشمعنى الامتحان بنذاكر له قبلها بشهر ولا حاجه ..

قولنا قبل كده في الموضوع ده ..
(((ياخبر أبيض )))
إننا لازم نوازن بين استعدادنا للدنيا واستعدادنا للآخرة ..
وده ميزان الصادقين وعلامتهم .. إنه استعداده لآخرته دايما هو الاول وهو اللي مستحوذ على كل تفكيره ..
ياترى احنا مستعدين ؟؟
طيب بنفكر نستعد ؟؟
طيب هنفكر إمتى ؟؟
لما العيد ييجي ؟؟
طبعا كلنا فاكرين رمضان اللي فات واللي قبله واللي قبله و..... إلخ ..
آخر يوم أعدنا نبكي ونعيط على رمضان .. وهيمشي واحنا مشبعناش منه ..
يارب يبقى 30 يوم .. ده كله عشان نغطي على تقصيرنا طول لشهر ..
والنوم اللي نمناه وقت التهجد .. وعدم الانتظام في ورد القرآن .. بل تضييع الصلوت أيانا بسبب المطبخ وتجهيز الفطار والسحور ..
وقلبنا المقصد من رمضان .. بدل ما نقلل من الأكل فيه .. لا فتحنا اكاله
وده سببه قلة الاستعداد لرمضان ..
يبقى من دلوقتي نبدأ نجهز عدة رمضان ..
مين هيجهز معانا ؟؟
اللي هيجهز معانا يروح يشتري شنطه

طيب ادام دبست نفسك يا فالح يبقى لازم تنفذ الكلام اللي جاي ده .. وإجباري ..
هنجمع في الشنطة
..
1- التوبة بجد مش هزار من كل الذنوب ..
والموضوع ده يساعدك بإذن الله
وآدي لي سنين على دا الحال بقاسي المر والأوزار !!


2- تجديد التوبة من الذنوب اللي سيبناها من فترة
ونسينا نتوب منها أصلا .. او توبنا والتوبة قدمت شويتين .. فنجدد التوبة .. بكثرة الندم والبكاء والاستغفار منها ..
غفر الله لي ولكم ..
3- المحافظة على الصلوات الخمس في جماعه ( قدر الإمكااااااااان) وصلاة الفجر يا جمااااااااااااعه ..
ونبدأ نحافظ على السنن كمان .. وصلاة الضحى وصلاة الوتر .. وصلاة ركعتين بعد العشا بنية قيام الليل لو مش هتقدر تصحى بالليل أو هتكسل تصليهم قبل ما تنام ..

4- المحافظة على اذكار الصباح والمساء ..
وأذكار ختام الصلاة .. والأذكار اليومية عموما .. ( كتيب حصن المسلم يفيدك كتير جدا .. لازم تشتريه من أي مكتبه وميفارقش جيبك أبدا )..

5- طبعا ... نثبت ورد دعاء يوميا وبالذات في الايام اللي هنصومها ..
عشان نتعلم الدعاء وعلى ما ييجي شهر رمضان نكون ادمننا الدعاء فميفوتناش ولا يوم وبإذن الله كل أحلامنا تتحقق ..

6- ورد قراءة القرآن
هنبدأ فيه بالتدريج لو في ناس مش ليها ورد ومهمله مع القرآن حبتين تلاته .. نبدأ بصفحة يوميا .. ونزود كل يوم ولو آيه واحده عن اليوم اللي قبله .. على ما ييجي رمضان بإذن الله نكون وصلنا لجزء يوميا بإذن الله ..
ونحاول نقرأ تفسير مبسط ( تفسير السعدي مثلا) عشان يعيننا على التدبر .. مش أبقى واقف ورا الإمام وهو بيقرأ والناس بتبكي وأنا أكني في دنيا تانيه ..
يبقى قراءة كتاب تفسير كل يوم بعض الآيات .. متثقلش على نفسك ..


7- الاخلاق يا جماعه .. الاخلاااااااااااق ..
نحسن من معاملاتنا مع الناس شويه .. ونحاول نتعلم الادب مع الأب والام بالذات .. وطريقة الكلام والمعاملة .. حاسب من دعواتهم عليك .. خاف أوي ..

8- إدمان الاستغفار في اوقات الفراغ ..
والكلمة أقصدها بالمعنى الحرفي .. عاوزين نكون مدمنين استغفار ..

9- حاول تتعود عالصدقة ..
ولو جزء بسيط أسبوعيا مش يوميا .. لحد ما تتعود عليها وعلى رمضان ما يشرفنا تكون بقيت منفق .. ربنا يتقبل يااااااارب ..

10- يلا وروني مقترحاتكم هو أنا هدني أتكلم كتير كده
والأعمال اللي نقدر نتعود عليها من دلوقتي لحد ما الشهر الكريم ينورنا ..
متبخلوش علينا بأفكاركم يمكن حد يطبقها وتاخدوا مثل أجره ..

اللهم بارك لنا في رجب وشعبان وبلغنا رمضان ..

وربنا يرزقنا وإياكم أحلى حياة في طاعة الله

أستودعكم الله .. والسلام عليكم ورحمة الله وبركاته ..




مشاركات الأعضاء وأفكارهم جزاهم الله كل خير ..

1- فكرة الأخت حـياتى كلها لله
لدي فكرة بسيطة فى رمضان
نحضر كيس صغير أو صندوق
ونحط كل يوم صدقة فيه حتى لو جنيه ونخلي اخواتنا واسرتنا يحطوا معانا كل واحد على قد مايقدر حتى لو ربع جنيه يومياً
وفى الايام الاخيرة من رمضان نطلع اللى حوشناه ونوزعه على فقراء الحي
نضعه فى جميعة خيرية .. واعمال الخير كثيرة
والطريقة دى هتعودنا اننا نحب التصدق
و نتعود عليه فى كل شهور السنة وليس فى شهررمضان فقط
بارك الله فيكم


avatar
zmlksmly
عضو جديد
عضو جديد

البلد : مصر
الجنس : ذكر
عدد المساهمات : 4
نقاط النشاط : 8

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف ahmadmitwally في 2019-05-21, 06:40


بارك الله فيك اخي الغالي



ahmadmitwally
ahmadmitwally
عضو نشيط
عضو نشيط

البلد : سوريا
الجنس : ذكر
عدد المساهمات : 136
نقاط النشاط : 140

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف MoRaD28 في 2019-05-21, 07:05


بارك الله فيك




التوقيع



الحق  نفسك قبل المدفع ما يضرب 500_8010

>>>> للشكاوي ضد أحد أعضاء فريق المنتدى <<<<

ڷسټ-أٵڦڞڷ-مڽ ڠيرێ-ۈڸڰڹ?ٲمڷڰ ڦنآعۀ-عڊم مڨآرڻۀ-ڹڣس?-پأحڍ ,,, أَلّتٌظًأَهِرٌ بُأُلَسًعّأُدًة أٌسَهٌلٌ بِڳَثِيٌرُ مُنٌ شِرّحٌ سّبُبِ حًزُنُڳً لَلٌأٌخُرِيُنّ

الحق  نفسك قبل المدفع ما يضرب 405418578




MoRaD28
MoRaD28
المـشرف العــام


البلد : الجزائر
الجنس : ذكر
عدد المساهمات : 6935
نقاط النشاط : 5674

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف saad design في 2019-05-23, 08:05


موضوع اكثر من رائع
شكرا لك ، نتظر كل جديدك بفارغ الصبر
تمنياتي لك كل التوفيق  الحق  نفسك قبل المدفع ما يضرب 235873
.




التوقيع



الحق  نفسك قبل المدفع ما يضرب N4hr_110
منتدى طريق التطوير يرحب بكم , www.t-altwer.com
الحق  نفسك قبل المدفع ما يضرب Separa10
saad design
saad design
إشهاري خبير
إشهاري خبير

البلد : السعودية
الجنس : ذكر
عدد المساهمات : 16108
نقاط النشاط : 17628

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف zmlksmly في 2019-05-26, 05:20


شكرا لكم على المرور العطر الطيب
تحياتى و تقديرى لكم

avatar
zmlksmly
عضو جديد
عضو جديد

البلد : مصر
الجنس : ذكر
عدد المساهمات : 4
نقاط النشاط : 8

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف nour aliman في 2019-05-28, 21:46


جزاك الله كل الخير
على الموضوع القيم
بارك الله فيك
و بالتوفيق




التوقيع


الحق  نفسك قبل المدفع ما يضرب 0110

http://wahetaleslam.yoo7.com/
nour aliman
nour aliman
رئيس فريق الإشراف


البلد : مصر
الجنس : انثى
عدد المساهمات : 7361
نقاط النشاط : 10379

الرجوع الى أعلى الصفحة اذهب الى الأسفل

الحق  نفسك قبل المدفع ما يضرب Empty رد: الحق نفسك قبل المدفع ما يضرب

مُساهمة من طرف منصورة في 2019-05-31, 03:52


بارك الله فيك
وجزاك الله خير الجزاء
واثابك الله جنة الفردوس
اللهم تقبل منا الصيام والقيام
اللهم آمين يا رب العالمين




التوقيع


الحق  نفسك قبل المدفع ما يضرب F8oq5Vt
منتديات منصورة والجميع ترحب بالجميع
http://www.manssora.com/
اللهم بلغنا رمضان لافاقدين ولا مفقودين
اللهم اجعل صيامي فيه صيام الصائمين
وقيامي فيه قيام القائمين, ونبهني فيه عن نومة الغافلين
منصورة
منصورة
مدير المنتدى


البلد : الجزائر
الجنس : انثى
عدد المساهمات : 17819
نقاط النشاط : 20580

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدى دليل اشهار المنتديات فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى