دليل اشهار المنتديات

قصيدة : يا سيد اسيادي

استعرض الموضوع السابق استعرض الموضوع التالي اذهب الى الأسفل

قصيدة : يا سيد اسيادي

مُساهمة من طرف carford في الأحد 14 يناير - 15:11


  بسم الله الرحمن الرحيم 


السلام عليكم و رحمة الله و بركاته 


 ** مرحبا بزوار منتدى الاشـهار **
 
نقدم لكم اليوم قصيدة لمدح خير الأنام من أصل جزائري 
 
للشيخ :  باشير التهامي 



 
قصيدة : يا سيد اسيادي








يَا سِيدْ اسْيَادِي * مَا ضْنَاتْ مْثِيلَكْ في الْخَلْقْ وَالْدَة * 
نَارَكْ في الْجُوفْ لِيسْ تَخْمَدْ * مَكْوِي شِي لَا نْطِيقْ بَاقِي نَاحَلْ مَمْدُودْ..


يُومْ الْمِيعادِ * نَرْتْحَلْ مَنْ لَجْدَاثْ شْعَاثْ في الْكْدَى* 
فُوقْ الرِّيسَانْ شَمْسْ تَصْهَدْ * لَا وَاقِي مَنْ حْصُونْ لَا ظَلْ شَجْرَة لَا طُودْ


يُومْ الْمُنَادِي * يْقُولْ يَا مُحَمَّدْ اسْألْ تَنْهْدَى * 
أرْفَعْ رَاسَكْ يَا السَّاجَدْ * ألْوَسِيلَة هْدِيتْ لَكْ وَ الْحَوْضْ الْمُورُودْ


فِي مَدْحَكْ زَادِي * يَا عْمَارَةْ مَكَّة خِيفَانْ مَنْ غْدَا* 
مَنْ حَوْضَكْ اشْتْهِيتْ نُورَدْ * مَا نَضْمَاءْ بَعْدْ شُرْبْهَا يَا صَفْوْ الْمَعْبُودْ.
.
يَا بَدْرْ ثْمَادِي * فِي كْبَادِي نَارَكْ مَشْهَابْ وَاقْدَة * 
يَا طَلْعَةْ الْبْدَرْ لَسْعَدْ * عَيْنْ الرَّحْمَة شْفِيعْنَا فِي يُومْ الْمَشْهُودْ.
.
 

حْبِيبْ السَّرْمَدِي * دْخِيلْ لَكْ بَالزُّهْرَة لَا تَشْفِي اعْدَا * 
أهْلْ الرَّدَّة وْ كُلْ مُلْحِدْ * كَذَا اعَدْيَانْ رَبْنَا وَ نْصَارَا وِ يْهُودْ.
.
يَفْجِي تَنْكَادِي * بُورْقِيَّة زَنْجَارْ الْكُفْرْ وَ الْرّْدَا* 
فَرْضِي بَالْمُصْطْفَى نْشَهَّدْ * وَ الْمُلَى رَافْعْ السّْمَا سُبْحَانْ الْمَعْبُودْ


مَحْرُوقْ انَّادِي * يَا يْمَامْ بْنُ هَاشَمْ صَاحْبْ الْهْدَا * 
رَانِي لَهْفَانْ يَالْوَاكَدْ * شَايَقْ انْجِيكْ تَنْطْفَى نَارْ مْهَاجْ وْقُودْ


سَمِّيتْ اوْلَادِي *عْلِيكْ سَمِّيتْ الْبَكْرِي مُحَمّْدَا * 
وَ اسْمَاعِيلِ الذّْبِيحْ الْجَدْ * وَ عْلَى الْفَارُوقْ جَبْتْ عُمَرْ اوْسَمْ مَزْيُودْ


يَا بَدْرْ ثْمَادِي * فِي كْبَادِي نَارَكْ مَشْهَابْ وَاقْدَة * 
يَا طَلْعَةْ الْبْدَرْ لَسْعَدْ * عَيْنْ الرَّحْمَة شْفِيعْنَا فِي يُومْ الْمَشْهُودْ..


 

افْلَاذْ كْبَادِي * وَ الْبْنَاتْ مْسَمِّي صَارَة مْفَنّْدَة * 
هَاجَرْ الصَّابْرَة تْكَابَدْ * مَازُوزِيَّة الْخَامْسَة فِي عَيْنِينْ حْسُودْ


يَكْثَرْ تَغْرَادِي * كُلْ مُوسَمْ وَ النَّاس رْكُوبْ صَادَة * 
سَهَّلْ رَبِي السَّعْدْ سَاعَدْ * وَ انَا سَعْدِي عْقِيمْ فَاشَلْ شَبْعَانْ رْكُودْ 


يْكَسَّرْ تَقْيَادِي * مَنْ عْقَالِي يَخَلَّصْنِي سَامْعْ النّْدَا * 
يَفْطَنْ السَّعْدْ كَانْ رَاقَدْ * يَفْتَحْ لِي رَافْعْ السّْمَا بَابْ ضْحَى مَسْدُودْ


نسرج جوادي * لْشُورْ وَطْنَكْ نَرْحَلْ وَ نَّالْ فَايْدَة * 
نُورْ الْحَقْ الشّْرِيفْ لَمْجَدْ * خَاتَمْ لَرْسَالْ مَنْ ضْفَرْ بَمْدِيحَكْ مَسْعُودْ..


يَا بَدْرْ ثْمَادِي * فِي كْبَادِي نَارَكْ مَشْهَابْ وَاقْدَة * 
يَا طَلْعَةْ الْبْدَرْ لَسْعَدْ * عَيْنْ الرَّحْمَة شْفِيعْنَا فِي يُومْ الْمَشْهُودْ.
.
 

نْفَارَقْ بْلَادِي * قَصْدْ يَثْرَبْ نَسْعَى لَمْنَارْةْ الْهْدَا * 
فِي رَوْضَةْ الْفْضِيلْ نَسْجَدْ * وَ نْزُورْ الْمُصْطْفَى الْهَادِي سَيَّدْ لُوجُودْ.
.
مْهَامَهْ وَ اطْوَادِ * وَ الْفْيَافِي نَعْبُرْهُمْ جَهْدْ وَ الْكْدَى * 
أنَا و الزَّايرِين لَمْجَدْ * يَتْحَقَّقْ الْمْرَامْ نُوصَلْ تُرْبَةْ لَجْدُودْ


نْخَالَفْ زْنَادِي * ذَا مْغَطِّي لِيمَنْ عَرْيَانْ لَلْعْدَا * 
نَحْرَمْ وَ نْطُوفْ عَبْدْ عَابَدْ * نَخْتَمْ بَالسَّعْيْ وَ الْحْلَاقَة عُمْرَة مَنْشُودْ 


نَبْلَغْ مُرَادِي * فِي جْبَلْ عَرَافَة يَتْحَتَّتْ الصّْدَا * 
يَغْفَرْ ذَنْبِي الْكْرِيمْ وَاحَدْ * يَكْرَمْ الْوَاقْفِينْ جَلْ الْحَيْ الْوَدُودْ.


يَا بَدْرْ ثْمَادِي * فِي كْبَادِي نَارَكْ مَشْهَابْ وَاقْدَة * 
يَا طَلْعَةْ الْبْدَرْ لَسْعَدْ * عَيْنْ الرَّحْمَة شْفِيعْنَا فِي يُومْ الْمَشْهُودْ.


م ن  ق  و  ل


 


اتمنى ان يعـــجبكم الشــعر 




التوقيع


geek  




نــــرحب بكم


سبحان الله وبحمده سبحان الله العظيم
avatar
carford
مشرف


البلد : البحرين
الجنس : ذكر
عدد المساهمات : 1309
نقاط النشاط : 1623

الرجوع الى أعلى الصفحة اذهب الى الأسفل

رد: قصيدة : يا سيد اسيادي

مُساهمة من طرف منصورة في الأحد 14 يناير - 21:34


عليه الصلاة والسلام
تسلم الانامل الرقيقة والذوق الرفيع
الابداع والتميز من منارة هذا المنتدى

تقـبل مروري وتقديري




avatar
منصورة
رئاسة فريق الاشراف

البلد : الجزائر
الجنس : انثى
عدد المساهمات : 6860
نقاط النشاط : 7468

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدي الابداع العربي فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى