رقراق الضحى أسماء الجنيد ******* وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق للممات و فات الفوات,, فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر **** وبقيت اتاوق من بعيد افتش الدرب العتيق الكل مقبل من طريق حتى الفريق فرتق بيتو عرق .. عرق اتشلع السقف المرق ... يالمة فتشى فى الزحام يا غيمة لمى المطر الغمام وياامة لملمى سمح الكلام يا عافية اغشيى الدغش خشم البيوت.. قبال نفوت ادى الصغار لمسة شفا واتصبرى ادى الكبار دفة حنان و كملى المشوار عشا لمينا بى نية الدفا وغطينا ياعافية الوفــــــــــا يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر ::::::
سلمت أناملك/ي الذهبية عالطرح الرائع الذي أنار صفحات منتدى الاشهار العربي بكل ماهو جديد لكِ مني أرق وأجمل التحايا على هذا التألق والأبداع والذي هو حليفك/ي دوما" أن شاء الله
من طرف VaMoS AmR في الإثنين فبراير 27, 2017 2:28 am
ان قلمي ينحني اجلالا واكرام لما خطة انمالك ماأجمل تلك المشاعر التي خطها لنا قلمكِ الجميل هنا لقد كتبتِ وابدعتِ كم كانت كلماتكِ رائعه في معانيها فكم استمتعت بموضوعك الجميل بين سحر حروفكِ التي ليس لها مثيل دمت بألف خير
من طرف Saya minatsuki في السبت مارس 04, 2017 11:02 am
السلام عليكم ورحمة الله وبركاته ألف شكر لكَ على هذا الموضوع المميز و المعلومات القيمة إنـجاز أكثر رائــــــع لكن أرجو منكَ عدم التوقف عند هذا الحد مـنتظرين ابداعتــــــك دمتـ ودام تألقـك