دليل اشهار المنتديات


أها ... النقول بسم الله .... ونبدأ

استعرض الموضوع السابق استعرض الموضوع التالي اذهب الى الأسفل

أها ... النقول بسم الله .... ونبدأ

مُساهمة من طرف almaldin في الجمعة سبتمبر 09, 2016 2:12 pm



صادفتني هذه القصيدة أثناء تجوالي في النت ... والله لا أدري من هو ناظمها ... ولكنها استهوتني واستفزتني وأثارت في دواخلي قريحة شعر خلتها ( نامت في ثبات ) فنظمت على اثرها هذه الأبيات ... أولاً القصيدة التي استهوتني ثم من بعدها ما نظمت

عارفك انت سوداني
ومولود في بلد تاني
دايرك تعرف السودان
... وتنقل عني الحاني
...
اكلت الكسرة باللوبه؟؟
بتعرف تقلب الهوبه ؟؟
وعمرك شفته راكوبه؟؟
في يوم فلقوك بي طوبه ؟؟
لبسته الجبه مقلوبه ؟؟
حضرت العرضة والنوبه ؟؟
بتعرف يمه حبوبه
وكت تمرق سعن روبه
لعبت شليل.. شليل وين
راح ؟؟
عضم بالليل.. عضم وضتـاح
جهاله غبش نفتشو صاح
ونلعب يومى ما بنرتاح
بتعرف تمشي كداري؟
تسوق العجله سداري
وتركب في الحمار جاري
تشوت الكورة ضفاري
هوي يا بنيه قشي الحوش
ومشطي شعرك المنكوش
وخلي البيت دوام مرشوش
وفرشي في البرنده بروش
التحيه لكل سوداني

ثم .... ما قلت ...:-

أكلت الحارّة يوم يا جِنَي
مشيت حفيان تحوم في الحي
بتعرف إيه أبو التي تي ..؟؟؟
أكلت الكبدة وأب دمام وأم فتفت
لحم ساي ني ..؟؟

حصل غدوك بى سبروق ..؟؟
ملاح طاعم سمح لايوق ..؟؟
قمح ما جــابو من السوق
ومدقوق في البرازي الفوق
ومدعوك صاجو بى طايوق
حصل سكيت عتود مطلوق ..؟؟
حصل جرجرت ليك واسوق
وكرن في الهــدوم عميوق
قفا العـراقي جـاك مشقوق
وجيت البيت وشيك معروق

حصل تلبت من تمرة
ولعبت السيجة بالقمرة
ولاواك الحمار مرة
وحرن في الجدول البرا
أظنـك مــا فتـح مــوية
وإصيبعك جاتو ساسوية
دربك هل حصل ودّاك
على البحر الغريق بى هناك ..؟
أظنك ماب تعرف الكاك
ولا زولاً حصل ركاك
ولا في يوم كلب سكاك
وقـومت العجاجي وراك
وهل في يوم أبوك دقاك ..؟
أها الوَتّاب حصل شقاك
وبطنك طقت الكوراك ..؟
قعدت تئن وتبكي براك

حصل في الفيخ وقف راجف
وطقاك البرد كاشف
وريقك تب صبح ناشف
شقوق كرعيك دم نازف
ده سودانا البربي رجال
ولادو نخل يقيفو طوال
رجالو يمين يهدو جبال
ناساً زين بستروا الحال
م/ن




avatar
almaldin
اشراف عام الاقسام

البلد : السودان
الجنس : ذكر
عدد المساهمات : 5740
نقاط النشاط : 6834

الرجوع الى أعلى الصفحة اذهب الى الأسفل

رد: أها ... النقول بسم الله .... ونبدأ

مُساهمة من طرف Za3eM_AlaRaB في الجمعة سبتمبر 09, 2016 4:03 pm


سلمت أناملك/ي الذهبية عالطرح الرائع 
الذي أنار صفحات منتدى الاشهار العربي
بكل ماهو جديد لكِ مني أرق وأجمل التحايا 
على هذا التألق والأبداع 
والذي هو حليفك/ي دوما" أن شاء الله




التوقيع



، إذا كان الله معنا من يسَتطيع أن يكون ضدنا   . .
avatar
Za3eM_AlaRaB
شخصيات هامة


البلد : المغرب العربي
الجنس : ذكر
عدد المساهمات : 4847
نقاط النشاط : 5033

الرجوع الى أعلى الصفحة اذهب الى الأسفل

رد: أها ... النقول بسم الله .... ونبدأ

مُساهمة من طرف abuahmad في الجمعة سبتمبر 09, 2016 5:03 pm


موضوع رائع


وطرح مميز


شكرا على الابداع


فى انتظار المزيد






التوقيع


 

سارع وشارك بمسابقه صوره واجمل تعليق 100 اعتماد جائزه اسبوعيه
http://www.alanwar10.com/t5044-topic

 

امتلك منتدى VB بدون اى شروط فقط ضع طلبك باقسام التصميم بمنتدىالانوار10

شبكة منتديات الانوار10
avatar
abuahmad
المدير العام


البلد : مصر
الجنس : ذكر
عدد المساهمات : 5525
نقاط النشاط : 6581

الرجوع الى أعلى الصفحة اذهب الى الأسفل

رد: أها ... النقول بسم الله .... ونبدأ

مُساهمة من طرف almaldin في السبت سبتمبر 10, 2016 2:55 pm


 كل الشكر والامتنان على مروركم الطيب
نورتم الموضوع بوجودكم
وزادت صفحتي نورا واشراقة بطلتكم.





avatar
almaldin
اشراف عام الاقسام

البلد : السودان
الجنس : ذكر
عدد المساهمات : 5740
نقاط النشاط : 6834

الرجوع الى أعلى الصفحة اذهب الى الأسفل

رد: أها ... النقول بسم الله .... ونبدأ

مُساهمة من طرف manissa في السبت سبتمبر 10, 2016 2:57 pm


شعر هجائي جميل استمتعت بقرائته جدا




التوقيع


avatar
manissa
شخصيات هامة


البلد : لبنان
الجنس : انثى
عدد المساهمات : 1091
نقاط النشاط : 1145

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدي الابداع العربي فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى