دليل اشهار المنتديات


ما بخونك - نضال حسن الحاج

استعرض الموضوع السابق استعرض الموضوع التالي اذهب الى الأسفل

ما بخونك - نضال حسن الحاج

مُساهمة من طرف الإسير في الخميس أغسطس 11, 2016 8:29 am


ما بخونك
نضال حسن الحاج
******
أها وينو صوتك ...مالو ما بارك مواجع الريدة والخوف البدونك
ومالا لانفضت غبار الطين أشان تنفج بقجة ضو تشوف أوجاعي لا طلت عيونك ...
مالي زى الليل بهد حيلي النهار...ومالي هازي كياني كوني أكون بدونك ...
ومالي شايفه الواطه غير عي*-تم الحذف. كلمة غير محترمة لا يسمح بها في هذا المنتدى-*ا نار ..ومالي مابعقل برا ثورات جنونك...
وما بكون غيرك ولا هسع بكونك...
ما زمان كنتك وكت ماكنت شي ...
كنتك الروح البتنبض في العروق ... وكنتني الحفر التعيق درب المشي ...
كنتك الوهج البفرهد بيو وشيك ...وكنتني العبرة التدك وهج الوشي ...
وما وشيت بالبينا غير لي الما بقول ...وكنت لي عزالي بالبينا بتشي ...
اختشيت أنا من سنين الفرقة من وجع الوداع ...
وأنت كنت من الحنين البينا كل يوم تختشي ...
مابتختشي
قمره كان اليوم .. .وكنا قدر فراشه بتمرق الغنا من رحيق
الوردة تديه الهوا ...
وطيفك المترامي كان بدي الخطى العيانه حبات الدوا ...
الحنان الشتت حباتو ريح الهم ولسع ما استوي ...
والقلب بعد انتهيت من نبضو بي نارو ولهيب أوجاعو بي غادي انكوى ...
وحالف حليفة الشفع المبلولة بالريق بالكتاب و الذمة حالف مابخونك ...
ومايخونك!!!
اللخونك ...
كت نديم الليل وسندالة الضلام ...
وكت رفيق الضو ...تمامة الضحكة ترياق الكلام ...
كنت قبال ماتجف خطواتي في دربك شوية فكرة ...كان الريد هلام ...
وهسع مشيت من نبضي ...
وانسلخت رؤاك الواهية من جوف حلمي زي قولة سلام ....
ما غريبة الريبة والشك في عيونك ...
وما غريبة الشارع الفاتح بيوتو تكايت لي كل زول يكونك
شان معاو ضد خاطري في الخاطر أخونك
ولو بخونك لما أفتح قلبي لي الريد المثالي ...
ولا امسح وشي في ضو النهار الجاني ياوجع الليالي ...
ولا افتح قلبي لي زول طلق الدنيا ونده لي وجعتي المالياني هاكي فرح تعالي .....
ألف مرة وحات جراحات السنين وقسا الغوالي ....
ألف مليون مره بالتأكيد بخونك ...
رغم إني وفيه مابقدر أخون..
ورغم إني عتية في وش الظنون
رغم كل الماضي ...واسسع والبكون...
مابنحكم نحن.. ربنا هو البقول للبينا كون...
والله لااااقدر أعيش لي حزني تاني ...
ما أتولدت عشان أصابح الوجعة وألهم ...شان أعاني ..
قادرة أمسح جرحي من وجعوا وأغني ...
وقادرة أقفل رمشي فوق دمعي واهني ...
قادرة افتح بابي للريد والتمني ...
وقادرة لو سكناك دماي أتوكا ظني ...
واطرد الدم والعروق والنبض مني ...
وقادرة قادرة ...أعيش بدونك ...
ما زمان قت ليك براي الدنيا شينه ...
وقت ليك هاك قلبي ...باريناك أنا وقلبي ومشينا ...
كان غلطنا قبل نسلم روحنا ...منك ماخشينا ...
وإننا اخترناك درب تبانة لي بكره البعيدة ...
لا القمر غرانا ...لا غيرك غشينا ...
وهسي بي كامل قواي الفارغة والجرح البعاني ...
جيت ألملم روحي وأهديك التهاني ...
جيت أقول يا أمنياتي الناقصة والعشق الأناني ....
كلما يطلع نفس من جرحي حايجرح سكونك ...
وكلما يكتل شهيقك نبضي ...حايرهق ظنونك...
وكلما تضحك بتلب موتي من بينات سنونك ...
وكل لحظه بعيشا بعدك ...حااصونك ...وكل ما أحاول عشان الفات أخونك ...
لو أموت والله كيه علي قعادك في صميم وجداني كيه علي سكونك ...
حالفه بي جملة شقاي وأحزاني ...خوفي اللونو لونك
بي جميع إيماني ..قسماً مابخونك
أصلي مابديك شرف يرتاح ضميرك هاني ...شان أنا قاعدة أخونك




التوقيع



، إذا كان الله معنا من يسَتطيع أن يكون ضدنا   . .
avatar
الإسير
شخصيات هامة


البلد : المغرب العربي
الجنس : ذكر
عدد المساهمات : 4844
نقاط النشاط : 5024

الرجوع الى أعلى الصفحة اذهب الى الأسفل

رد: ما بخونك - نضال حسن الحاج

مُساهمة من طرف abuahmad في الخميس أغسطس 25, 2016 4:45 pm


موضوع رائع


وطرح مميز


شكرا على الابداع


فى انتظار المزيد






التوقيع


 

سارع وشارك بمسابقه صوره واجمل تعليق 100 اعتماد جائزه اسبوعيه
http://www.alanwar10.com/t5044-topic

 

امتلك منتدى VB بدون اى شروط فقط ضع طلبك باقسام التصميم بمنتدىالانوار10

شبكة منتديات الانوار10
avatar
abuahmad
الإدارة العليا


البلد : مصر
الجنس : ذكر
عدد المساهمات : 4592
نقاط النشاط : 5668

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدي الابداع العربي فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى