دليل اشهار المنتديات

دليل اشهار المنتديات

دليل منتديات
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  


شاطر | 
 

  آلاء أبو سفيان... ابوي ما جا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
almaldin
مشرف المنتدى



البلد : السودان
الجنس : ذكر
عدد المساهمات : 3499
نقاط النشاط : 4059

مُساهمةموضوع: آلاء أبو سفيان... ابوي ما جا   الأربعاء 21 سبتمبر 2016 - 11:38



ابوي ما جا (1)
أبوي ما غاب
أبوي تيراب
وفي طين الألم مدفون
يقين منصاعة لية ظنون
حواس تتحامى بيها شجون
أبوي يا ناس قلب محزون
أبوي عدمان من الحقد
الملا الساحات
وغنيان من قناعة الروح
كمان شايلة الفضايل
ذاتا منو صفات
أبوي جرح
مجسد في وريد زمني
جرح بتنفس الأحلام
ويقتات الصبر لقمات
تقيم صلب الأمل قبال
يلاقية بالتجلد مات
أبوي قرر يسلم نفسو للغربة
عشان يادابنا لسة صغار
ومحتاجين قروش الحصة والكراس
وحق الرحلة يايابا
وقروش الكسوة في الأعياد
وداك دايرلو عيد ميلاد
وأمي المارقة عصرية
تدورلها ذاتا يابا قروش
تواجب بيها خالتي سعاد
ولابتقدر تفكر يوم
نعيش بالحسرة من دون زاد
وإت فينا الملح والزاد
حمولك يابا جد كترت
وقصر ساعد الايراد
حملت مواجعك القاسيات
علي قلبك
ودعتنا يابا لي الله
ودعناك نحن الغربة الملانة سواد
ويبكي أخوي من بعدك
يقول لي أمي وينو أبوي
أبوي ما جا...
تقولو أسكت
أبوك ما غاب هو أصلا
شان يكون ما جا
وأردد بي وراها أنا
وأقول ماغاب
وكتين يطوي داخلي الشوق
أكوسك في سما الأطفال
عيون تربال مسك طوريتو
شان يزرع
ومن ذاك الجبين ينصب عرق هطال
ويسقيها الأراضي البور
وأكوسك في بريق عين أمي
لما تقوم من النباه
تصلي وتدعي ليك بالخير
ويبعد عن خطاك الجور
فيا طمبور نقر في داخلي دون أوتار
ويا اصرار نتف ريش انهزام الروح
ويا تيار حمل في جوفو جيش الموج
ويا سفرا بلا أسفار
ويانطفة في حشا الأقدار
ولما تكون معاي الوحدة في دمي
بلاقيك إنت لي سمار
وخطو حقيقة تطوي الزور
وتتشابك مع الأفراح
وتكسر خاطر الأنات
وهو العدمان من الحقد الملا الساعات
وهو الضحكات علي وش الهموم بالذات
وماهو بقول أنا السويت
أبوي دوبيت
على لسان الزمن مسرود
وهو الرقعات علي توب الهنا المقدود
وياريت يابا تاني تعود
عشان تفتح شبابيك المنى المسدود
وشان ترتاح من التعب الغشاك سنين
وكان بي صحبتك موعود
وياريتك تصحي الكان
زمان قبال فرحنا يفوت
وتنسج من قصيد الألفة والحنية
يابا بيوت
تدنقر شان تلم إيديك
عناقيد الهوى المحتوت
وتكشف عن ستار الروح
عشان نقدر نشوف جواك
تمثال الصبر منحوت
وكت يوقد لهيب الشوق
أكوس للذكرى في الهبوت
وألم نفسي وأغ*-تم الحذف. كلمة غير محترمة لا يسمح بها في هذا المنتدى-*
وأحسك يابا فيني القوت
وكت حاولت جد وصفك
فشل تعبير بنات القول
وغاب وحي الحرف عني
ووقف صوت الكلام مشلول
وحسيت بي أمرإحساس
شعور الحاكم المعزول
وإحساس الشمس بالليل
وكت يحضن شروقا أفول
دروب يطويها شوف الروح
وماتعرف خطاه وصول
نجيمات كايسة ليها دليل
ندا الدهشة الغشاه زهول
سؤال...باأبويَ
من إرهاصاً إتملك خيالو فضول
هل إنت الطيف
وسط هم الحروف بتمر بلا تدوين؟
ولا النيل اللي في وش العطش مسلول؟
أبوي يا نور نزل مطرات
علي ارض العتامة سِراج
ودوزن كل حياتي هطول
وإتعتر سكوتي كمان
عشان صمت الجوارح قول
أبوي مــــــــــــــــــا جا


http://almsoft.sudanforums.net/

ماشاء الله تبارك الله ماشاء الله لاقوة الا بالله

شكاوى الاعضاء ضد الفريق خاص
الرجوع الى أعلى الصفحة اذهب الى الأسفل
اسامه العراقي
شخصيات هامة



البلد : العراق
الجنس : ذكر
عدد المساهمات : 2271
نقاط النشاط : 2300

مُساهمةموضوع: رد: آلاء أبو سفيان... ابوي ما جا   الخميس 22 سبتمبر 2016 - 13:56

تسلم الايادي
اختيار رائع لكلمات اروع


¨°o.O ( منتديات الشباب العربي ) O.o°¨
الرجوع الى أعلى الصفحة اذهب الى الأسفل
almaldin
مشرف المنتدى



البلد : السودان
الجنس : ذكر
عدد المساهمات : 3499
نقاط النشاط : 4059

مُساهمةموضوع: رد: آلاء أبو سفيان... ابوي ما جا   الخميس 22 سبتمبر 2016 - 22:15

 كل الشكر والامتنان على مرورك الطيب
نورت الموضوع بوجودك
وزادت صفحتي نورا واشراقة بطلتك.



http://almsoft.sudanforums.net/

ماشاء الله تبارك الله ماشاء الله لاقوة الا بالله

شكاوى الاعضاء ضد الفريق خاص
الرجوع الى أعلى الصفحة اذهب الى الأسفل
M!Sho
رئاسة فريق الإشراف



البلد : السعودية
الجنس : ذكر
عدد المساهمات : 4574
نقاط النشاط : 4766

مُساهمةموضوع: رد: آلاء أبو سفيان... ابوي ما جا   الجمعة 23 سبتمبر 2016 - 21:49

سلمت أناملك/ي الذهبية عالطرح الرائع 
الذي أنار صفحات منتدى الاشهار العربي
بكل ماهو جديد لكِ مني أرق وأجمل التحايا 
على هذا التألق والأبداع 
والذي هو حليفك/ي دوما" أن شاء الله



 منتدى الوطن العربي
الرجوع الى أعلى الصفحة اذهب الى الأسفل
 
آلاء أبو سفيان... ابوي ما جا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دليل اشهار المنتديات :: الاقسام الترفيهيه العامه :: المنتدى العام :: القسم الادبي العام-
انتقل الى:  
الاختلاف عن البقية معنى الابداع وصنع الشئ المستحيل (المقلدون خلفنا دائما ) من قلدنا اكد لنا اننا الافضل