دليل اشهار المنتديات

دليل اشهار المنتديات

دليل منتديات
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  


شاطر | 
 

 ماجدولين سعد جادين......حقك علي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
almaldin
رئاسة فريق الإشراف



البلد : السودان
الجنس : ذكر
عدد المساهمات : 4023
نقاط النشاط : 4647

مُساهمةموضوع: ماجدولين سعد جادين......حقك علي   السبت 17 سبتمبر 2016 - 14:33

حقك علي



صدقني وأسمع قولي ليك
أنا بي صراحة بخاف عليك
من القدر متوجسة وخايفاك
تضيع في زحمتك تحصد تعب
خايفاك تمشي علي قبب
تفرح تقول فيها الفكي
وتلبس جبب من الأدب
وتوالي حلقات الذكر
تقلب براك هوبة الولاء وتلقاو كضب
تلقاهو دجَّال محترف
نفسك تثور
جُوَّاك تقوم نيران لهب
خايفاك تقعد تستريح في ضل دليب
برميهو ضلو علي الغريب
تقعد وحيد عزَّ الهجير تحسب نجوم
وتكون براك الشايفا
تنضم دموع عي*-تم الحذف. كلمة غير محترمة لا يسمح بها في هذا المنتدى-* سبح
في خيط عشم بالي وقديم
قُبَّال تتمها سبحتك تلقى انقطع
تتبعثر الحبَّات تضيع
والباقية كم ماتعرفا
خايفاك تصاحب وحشتك
والنفرة فيك تولّفا
وأنا بنصحك
خلي الزعل من أ] شي
واترك سفاسفة الأمور
حتى الحبيب لو جار عليك
قول ليهو خير
جورك علي بنصفني جد
لو كان بهمك أمري ما أهملتني
وانا بعذرك في أي شي إلا النفور
خاطبت فيك عطفك عليك
حقَّك علي
لو جارت أِواقك عليك
واتجرَّات تسقيك عطش من نيل هواك
حقك علي
لو ريدي كان حفنة عذاب
منثورة في عين فرحتك
وإيد الأمل ما قادرة تمرق واقعتا
واتخاذلت كل الأيادي الشافتك وبقيت براك
حقَّك علي
لو كان دلو الواقع تقيل
جريتو بي آخر نفس
من بير مدكَّنة بالشكوك
شايلة الشوايب عكَّرت لحظة صفاك
حقك علي
وانا عيني ما خانت عي*-تم الحذف. كلمة غير محترمة لا يسمح بها في هذا المنتدى-*
لكن عيون الريدة فيك هي الخانتك في وعدي ليك
حقك علي
لو مرة حسيت إني ضدَّك وما معاك
حقك علي
لو يوم مرايتي بقت طشاشعكست سخانة الضو عليك
شالت نظر عين الحقيقة وغطَّتا
واتكسَّرت صورة الصدق
جُوَّة المراية وأحبطت أحلامي فيك ووطَّتا
حقك علي
لو قلبك المليان غرام هو الجهجهك
واتجهجهت آمالي فيك
قلبي انفطر
لو ريدك الجوَّي صغر
حقك علي
لو قاضي قلبك جار عليك ما أنصفك
حقك علي
لو يوم مشيت ووصلت حد إنك مضيت
هامش بقيت في ذكرتي
لو لحظة خاصمت الشجن
واستنكرت عيني البكى
شان ما أجرّح مهجتك بي دمعتي
حقك علي
لو كنت يوم بترصَّدك
في غابة الزمن الصعب حرفين أمان
واصنع كلامك لي عقد واتقلَّدو
واتوقَّعك في ضو شمس باكر حياة
وارسم ملامحك في الأفق غيمة فرح
وارجاك مطر واتصيَّدو
واترقب الخير بيمجيك
وازرع جرف قلبي النشف
واب*-تم الحذف. كلمة غير محترمة لا يسمح بها في هذا المنتدى-* في جواي سرور واتوسَّدو
حقك علي
لو زرت عرَّافة الهوى
وادّيتا كفَّك تقرا فيني وبالغت في قرايتا
وقالت كمان فُنجاني جُوَّك انكسر
كذب المنجم لو صدق
ما القصة بي ايدنا ابتدت
وبرانا جبنا نهايتا
حقك علي
لو آسفة جات متأخّرة
أنا دايرة فيك أسكن مِلِك ما دايرة ريدتك أأجّره
شان ما أكون متنقّلة وأجي يوم دياري أغيّره
حقك علي
لو كنت مالياك بالحنين
جوَّاك قاعدة محكَّرة
ما ذاتي بيك مُتأثّرة
وكل الثقة جواي ليك متوفّرة
حقك علي
وأنا ريدتي ليك ببررا
أصلو الميول مكتوب علينا وما بإيدنا نغيّرو
والريدة فينا مقدَّرة
والحب نضيف أبيض نقي
وتيابو ما بنشجّره
ولو يوم بقينا نلوّنو
نقري السلام
نرفع شهادتو نمدّدو
وجنازتو فينا نحدّره


ماجدولين سعد جادين


http://almsoft.sudanforums.net/





الرجوع الى أعلى الصفحة اذهب الى الأسفل
اسامه العراقي
شخصيات هامة



البلد : العراق
الجنس : ذكر
عدد المساهمات : 3013
نقاط النشاط : 3053

مُساهمةموضوع: رد: ماجدولين سعد جادين......حقك علي   السبت 17 سبتمبر 2016 - 18:48

اختيارات رائعه
تسلم الايادي التي كتبتها لنا


¨°o.O ( منتديات الشباب العربي ) O.o°¨
الرجوع الى أعلى الصفحة اذهب الى الأسفل
almaldin
رئاسة فريق الإشراف



البلد : السودان
الجنس : ذكر
عدد المساهمات : 4023
نقاط النشاط : 4647

مُساهمةموضوع: رد: ماجدولين سعد جادين......حقك علي   الأحد 18 سبتمبر 2016 - 7:08

اسعدني  مرورك علي متصفحي


http://almsoft.sudanforums.net/





الرجوع الى أعلى الصفحة اذهب الى الأسفل
 
ماجدولين سعد جادين......حقك علي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دليل اشهار المنتديات :: الاقسام الترفيهيه العامه :: المنتدى العام :: القسم الادبي العام-
انتقل الى:  
الاختلاف عن البقية معنى الابداع وصنع الشئ المستحيل (المقلدون خلفنا دائما ) من قلدنا اكد لنا اننا الافضل