almaldin
مشرف المنتدى
البلد : 
الجنس : 
عدد المساهمات : 3499
نقاط النشاط : 4059
 |  موضوع: أها ... النقول بسم الله .... ونبدأ الجمعة 9 سبتمبر 2016 - 14:12 | |
| صادفتني هذه القصيدة أثناء تجوالي في النت ... والله لا أدري من هو ناظمها ... ولكنها استهوتني واستفزتني وأثارت في دواخلي قريحة شعر خلتها ( نامت في ثبات ) فنظمت على اثرها هذه الأبيات ... أولاً القصيدة التي استهوتني ثم من بعدها ما نظمت 
عارفك انت سوداني
ومولود في بلد تاني
دايرك تعرف السودان
... وتنقل عني الحاني
...
اكلت الكسرة باللوبه؟؟
بتعرف تقلب الهوبه ؟؟
وعمرك شفته راكوبه؟؟
في يوم فلقوك بي طوبه ؟؟
لبسته الجبه مقلوبه ؟؟
حضرت العرضة والنوبه ؟؟
بتعرف يمه حبوبه
وكت تمرق سعن روبه
لعبت شليل.. شليل وين
راح ؟؟
عضم بالليل.. عضم وضتـاح
جهاله غبش نفتشو صاح
ونلعب يومى ما بنرتاح
بتعرف تمشي كداري؟
تسوق العجله سداري
وتركب في الحمار جاري
تشوت الكورة ضفاري
هوي يا بنيه قشي الحوش
ومشطي شعرك المنكوش
وخلي البيت دوام مرشوش
وفرشي في البرنده بروش
التحيه لكل سوداني
ثم .... ما قلت ...:-
أكلت الحارّة يوم يا جِنَي
مشيت حفيان تحوم في الحي
بتعرف إيه أبو التي تي ..؟؟؟
أكلت الكبدة وأب دمام وأم فتفت
لحم ساي ني ..؟؟
حصل غدوك بى سبروق ..؟؟
ملاح طاعم سمح لايوق ..؟؟
قمح ما جــابو من السوق
ومدقوق في البرازي الفوق
ومدعوك صاجو بى طايوق
حصل سكيت عتود مطلوق ..؟؟
حصل جرجرت ليك واسوق
وكرن في الهــدوم عميوق
قفا العـراقي جـاك مشقوق
وجيت البيت وشيك معروق
حصل تلبت من تمرة
ولعبت السيجة بالقمرة
ولاواك الحمار مرة
وحرن في الجدول البرا
أظنـك مــا فتـح مــوية
وإصيبعك جاتو ساسوية
دربك هل حصل ودّاك
على البحر الغريق بى هناك ..؟
أظنك ماب تعرف الكاك
ولا زولاً حصل ركاك
ولا في يوم كلب سكاك
وقـومت العجاجي وراك
وهل في يوم أبوك دقاك ..؟
أها الوَتّاب حصل شقاك
وبطنك طقت الكوراك ..؟
قعدت تئن وتبكي براك
حصل في الفيخ وقف راجف
وطقاك البرد كاشف
وريقك تب صبح ناشف
شقوق كرعيك دم نازف
ده سودانا البربي رجال
ولادو نخل يقيفو طوال
رجالو يمين يهدو جبال
ناساً زين بستروا الحال
م/ن
 http://almsoft.sudanforums.net/ |
|
M!Sho
رئاسة فريق الإشراف
البلد : 
الجنس :
عدد المساهمات : 4574
نقاط النشاط : 4766
| | موضوع: رد: أها ... النقول بسم الله .... ونبدأ الجمعة 9 سبتمبر 2016 - 16:03 | |
| سلمت أناملك/ي الذهبية عالطرح الرائع
الذي أنار صفحات منتدى الاشهار العربي
بكل ماهو جديد لكِ مني أرق وأجمل التحايا
على هذا التألق والأبداع
والذي هو حليفك/ي دوما" أن شاء الله
منتدى الوطن العربي
|
|
abuahmad
مشرف اقسام الثقافى والادبي العام
البلد : 
الجنس :
عدد المساهمات : 2350
نقاط النشاط : 2734
| | موضوع: رد: أها ... النقول بسم الله .... ونبدأ الجمعة 9 سبتمبر 2016 - 17:03 | |
| موضوع رائع وطرح مميز شكرا على الابداع فى انتظار المزيد  سارع وشارك بمسابقه صوره واجمل تعليق 100 اعتماد جائزه اسبوعيه http://www.alanwar10.com/t5044-topic  امتلك منتدى VB بدون اى شروط فقط ضع طلبك باقسام التصميم بمنتدىا لانوار10 شبكة منتديات الانوار10 |
|
almaldin
مشرف المنتدى
البلد :
الجنس :
عدد المساهمات : 3499
نقاط النشاط : 4059
| | موضوع: رد: أها ... النقول بسم الله .... ونبدأ السبت 10 سبتمبر 2016 - 14:55 | |
| كل الشكر والامتنان على مروركم الطيب
نورتم الموضوع بوجودكم
وزادت صفحتي نورا واشراقة بطلتكم.
http://almsoft.sudanforums.net/ |
|
manissa
شخصيات هامة
البلد : 
الجنس : 
عدد المساهمات : 409
نقاط النشاط : 445
| | موضوع: رد: أها ... النقول بسم الله .... ونبدأ السبت 10 سبتمبر 2016 - 14:57 | |
| شعر هجائي جميل استمتعت بقرائته جدا |
|
اليوم في 1:04
