دليل اشهار المنتديات

اجمل الكلمات عن العراق

استعرض الموضوع السابق استعرض الموضوع التالي اذهب الى الأسفل

اجمل الكلمات عن العراق

مُساهمة من طرف Mortada2001 في الأحد أغسطس 18, 2013 2:54 am


السلام عليكم

حبيت انقل لكم هذا الموضوع

اجمل الكلمات عن العراق
-----------------

بغداد يابغداد

الأحباب وجبره تعس الزمان وقرر يتركج بس صدكي كلمن عافج قلبه ينزف دم ودمع فراكج مو هين يابغداد اصحي ارجعي وبين احضانج ضمينة وعلى طيب ترابج رجعينة بغداد ربج كريم رؤوف رحيم بغداد اودعج يارب نهارج وليلج آمن دعوة مخلصة من الطيبين اللي حاطيج بوسط العين لأحبابج ترجعين عزيزة مقرورة العين يارحمن يارحيم ياحاف

بغداد ضحكة شمس بغداد هلهولة 

بغداد ليش الدمع صاير الج سولةجججحج

كوليلي شنو هلصبر جا خلكج شطولة.

بغداد انتي الامل بغداد انتي الحيل 

لازم يجيلج صبح مهما يطول الليل

كالوا سني لو شيعي كلت عراقي وصوتي داوي

كالوا من عنوانك نعرف جاوبتة انباري وكوتاوي صح تكريتي بس بالحلة واعماري واصلي مصلاوي

كالوا من اولادك نعرف كلت ولدي عموري و علاوي

كالولي صلي وهي تبين كتلة انصلي بالخلاني و اتوضى بماء الكوفى ومن النعمان اسمع اذاني واول ركعة بموسى الكاظم وثاني ركعة بالكيلاني

نصعد جبل بدهوك ونصيف الانسانية

ونشرب لبن أربيل ونكعد كعدة عربيـــة

وناخذ من الموصل الكبة المشوية ونزور شيخ متي

وياعيني على ديالى محلاها برتقاليـة

ونمر على بغداد نكول بعون الله محميـة

ونتعشى بالأنـــبـــار تمن ودلـيـمـيـة

وكيمر السدة ناكلة من إيد حلاوية

وناخذ تمر زهدي من الناصريـة

وانزورالامام الحسين زيارة كربلائية

من البصرة نتعلم صبر شكد شافت أذية

سألتـوني آني منين وهاي الهـوية

هذا آني العـراقــي إبن العـراقـية

نــــاديت من الغـــرب مــحد ســـمع صـوتي

لابـــوي لاصـــحبتي لاأمــي لا أخـوتي

بالـغربه احــس مخــتنك واريــد ابجــي واصـــرخ حـــيل

ومــرات احــس انــتهت روحــي وكـرب مــوتي

انـي وجــنطـتي ارحــلت والدمــــعه بعـــيوني

لا اخـــو المـــني جــزع لا أهـــلي مــــلوني

عـــفت الـــدلال ورحــت للـــغربه نـــص الـيل

ودكـــيت بــاب الغـــرب والمــــايعــرفــوني

الـــمايــعـرفك مـايثــمنك والمــامجربك مـا يئمنك

عشقتك يا عراق الى حد الجنون

ورسمت حروفك با روع الفنون حـروف

كتبت على قلبي منذ الاف القـرون

حروف تغلغلت الى صميم قلبي لتبدا منها حياتـــي

وستبقى خالدة حتى مماتي لانها كتبت اسم العراق

وسابقى دوما انا العراقي

سني لو شيعي 

كلوله انت منين كال عراقي

كلوله منين من العراق كال من الانبار وساكن بالنجف وولادتي بدهوك كلوله

زين شسمك كال اسمي محمد علي عمر البرازاني

كلوله انت شتحب كال احب الله ورسوله والصحابه

وكلوله شتشوف يا قناة كال كل قناة عراقـــيه شــــــريفه وكلوله شتشرب كال بطل ماء نص بطل من الفرات ونص بطل من دجله

تعرف الظلم؟؟؟؟؟ عندك وطن وما تقدر تسكن بيـــــــــه 

تعرف الصعب؟؟؟؟؟ عندك وطن و تريد تبنيــــــــــــــــــه 

تعرف القهر؟؟؟؟؟ عندك وطن مجروح و تزيد الألم بيـه 

تعرف اكبر جرم؟؟؟؟؟ عندك وطن و ما تعتني بيــــــــــه 

عشقتك يا عراق مو بس علمود بيك ميـزة

بس علمود بيك ارواح على قلبي عـزيزة 

إعلان...

فقد وطن اخضر اللون يدعى وادي الرافدين.

يرتدي مليون نخله واهوار بحجم معاناته.

عمره الاف السنين. يتجول في ازقته الموت. 

كان ملاذاّ للخائفين واصبح خوفا للامنين تزين ارصفته دماء الاطفال الابرياء الذاهبين الى المدارس ليتعلمو كيف تكتب كلمه وطن. 

فعلى من يعثر عليه ان يصلي من اجله. 

ويضمد جراحه اللهم احفظه واهله الطيبين (امين)

بحضنك ياوطن أغفه

وأنـام وبدونك يا وطن ظايع

أنا من يسألوني أحبك كَلت

أنا من حبه لقب سويته أليه

عونك ياعراق الخير والطيب

ويترابك نداوي العلل وطيب

تجيك الناس مدري منين ومين 

وجابولك الفتنه الطائفيه.

بغداد وبلياك متسوى كلشـي

تضوي بسواد اليل لو بيها تمشي

اسمع يابوش ياللي تكول دادي

ترة شيعة عمر وسنة علي يدرون انته ضارب علي الهادي

بس والله انته البادي وتدري العراقي للعراقي فادي

يا غـــــــريب شلون تبجي بغربتك الى كل غريب عن العراق

يا غريب بغربتك هـــــــــم إلك بيت

وهــــــــــــم إلك أم التنشف دمعتك

وتمسح إبراســــــــك أذا انته بجيت

وهم إلك خـــــــــوان توفي الخوتك وتوكف اتعــــدلك أذا أنته حنيت وهم لكيت بغــــــــــربتك مثل الأهل وهم مثل ديــــــــرت هلك كلي لكيت وهم تحس ابلذت انــواع الأكل لو مثل أكل الحنينه مــا كليت

إنطيني ورقة وقلم خلي أكتب أحزاني. 

مريت بظرف ما مر بي إنسان ثاني

وأتفرهدت وآني طفل وإنباكَت أحلامي

وأحلى أيام العمر شالوها كدامي.

ما بقت من ذكراه بس التصاوير

ولو فكرت أنساه نسيانه تفكير

شيصبر الولهان شوف التصاوير..

كل صورة وسط العين دكت بسامير.

لو بس يمر بالطيف وبعيني أشوفه

حتى النظر لو راد من عيني اعوفه..

ناسي و ردت أنساه بس ما نسي.

إن جيت جنبك شارد الفكر ضايق مع بسمتك تنزاح

لوعات الأعماق وفي غيبتك تثقل عليا الدقايق.

والوقت مع غيرك ماعاد ينطاق

واليوم أقول لك دون كل الخلايق 

ماعاد عيني لغيرك من الخلق تشتاق.

ليش انموت من دون البشر بســـــــــــكوت!!؟

ليش انموت غربه بلا جفن لادمعه لاتابوت!!؟

بـغـداد.... تسمحيلي؟

ما ادري اتغزل بيج ما أدري أبجيج

وج ليش ياعيني مو جنتي حلوة الحلوات

ضحكتج متفارك شفاج ومتحملة وصابره عالنوايب

تاليها أول الدنيا تصيرين خرايب

ليش ياعيني وين الهيبة؟؟؟

وين ناسج الطيبة وين غيرة الحبيـب عالحبيـبة؟؟؟

وين الغيره؟؟؟ وين طبع الناس الحلو الماشفت مثله بأي ديره؟؟؟

وين الهـــوى العــذب يا بــــــــغـــــــــداد؟؟؟

غلطانه أمي يوم على الطيب ربتني.

تحسب ناسي مثل ناسها طيبين

قالت سامح كل من عليك يخطي

الناس تخطي وهم عن القصد ساهين.

مسكينه أمي من غير قصد أظلمتني.

مادرت إن الطيب وحده المسكين.

هذا يا يمه واقع زماني.

نفس إللي يضحك معك اليووم

باچر يطعنك بسكين

أي جديد ياعـــــــراق؟؟؟

كل شي فيك عاد للوراء

الماء يباع على الرصيف

والنور يشكو من الضياء

والموت تزهو تجارته بين الشوارع

والأزقة تتبعثر الأشلاء

وينتشر السواد على الدماء

ويخرج من باع العراق على الفضاء...

عراقي أنا ومامزور بالهويه.

عراقي أنا والنخل يشهد عليه.

عراقي أنا وهاي أكبر هديه.

عراقي أنا والناس تعرف بيه

عراقي أنا و الهم صار اليه 

عراقي أنا وربي يدري بيه 

عراقي أنا والغربه تحرك بيه

عراقي أنا والاحتلال رح يضربلي تحيه

عراقي أنا والفخر كله إليه

عراقي أنا وماريد الطائفيه

عراقي أنا ودجله والفرات هم إليه

عراقي أنا وقلبي صافي نيه

عاء عراقي أصيل وشريف

ندعي سوه و إحنه بهل الشدة

ربي كل باب حزن مفتوح رده

و كل تدفق دم يا ربي سده

و كافي ياموت سيفك كاعد تحده

مو صبرنا بصبر ايوب و جده

و صبرنه سنين تره وصل حده

مد يا فرح شوي فراشك مده

شو امكطع اخيوطك وجم عكدة وعكدة

آآآآخ شكد جثث بعد تحملين يا سده

و شكد يا فرات شوكك لدجله

خايف للعمر يكضي خايف ما نوصل وطنه

لو وصلنا هناك خايف نلكه خلصانه أهــلنا

إبصوانينه بعد ما ضلت اشموع

ولا فرحة طفل مصباح عيده قتل تفجير جثه أو راس مگطوع...

مامش غيرهه ابحلگ الجريده البلبل عاف عشه إبين الفروع...

يخاف القاذفه تخطه أو تصيده عدنه أمن القتل أنواع مو نوع...

وإنت أختار يا نوع التريده نسينه إحنه الخميس او علم مرفوع...

أو نسينه اطفالنه الحفظت نشيده (عش هكذا في علو) صفت ممنوع...

أو غدت چلماتهه كلش بعيده شنو ذنب الطفل مو بعده راضوع......

بين أحضان أمه إيصب وريده إبصدرهه المحترگ ما ظلت ضلوع...

حمت واثرت باطرافه الحديده

يمته نرتاح إبوطنـــــــه

ويمته ننسه الي جـــره

يمته مو كافي انهزمنه

بسنة نرجع ليــــــــوره

يمته مو كافي إبحياتـي

عايش ابنص مكبـــــره

ليش العراقي اليوم ظل حظه نايــــــــم

حتى الدول يـــــاناس ماتنطي اقايـــــــم

والله العراقي يحب كلمن يحبــــــــــــــه

وإبن الوطن يانـــــاس وســـفة اليسبـه

لاتحزن اعلى الصار يعراق الاحــــزان

يالبيك ابو الحسنين تبقه اغلى الاوطان

دارت الايام الحلوى ياوطن والله بينك وبينا

وتمنيت خبر من عندك وإحنا بالغربة يجينا

والله صدك من دونك يا وطن الغالي إتغربنا وعمينا

دمرني هجرانك والبعد منك وغيرك محد يسأل عليـا

هاي هي القسمة النصيب والله أبد يا ناس مو بدينا

سافرت وبعدت منك وظل إسمك وحبك يحركنا ويجوينا

إحنا ولادك يا وطن وإنت باقي حاضنا وابد ما ناسينـا

أحبك ياوطن تره بس ريحة ترابك والله للأبد تكفينـــا

تركناك بس كتبنا العراق داخل كلوبنا وعلى أيادينـــا 

تحياتي اخوكم رامي العراقي

بغداد المنصوره بالعز بأذن الل



------------------



اتمنى يعجبكم



تحياتي




التوقيع


avatar
Mortada2001
عضو اشهاري خبير

البلد : العراق
الجنس : ذكر
عدد المساهمات : 637
نقاط النشاط : 835

الرجوع الى أعلى الصفحة اذهب الى الأسفل

رد: اجمل الكلمات عن العراق

مُساهمة من طرف show في الأحد أغسطس 18, 2013 7:02 pm


احبك يا عراق
اعيش و اموت فيك يا عراق




التوقيع


منتديات The show
www.show.top-me.com
avatar
show
عضو اشهاري خبير

البلد : العراق
الجنس : ذكر
عدد المساهمات : 304
نقاط النشاط : 322

الرجوع الى أعلى الصفحة اذهب الى الأسفل

رد: اجمل الكلمات عن العراق

مُساهمة من طرف official alg في الثلاثاء أغسطس 20, 2013 10:43 pm


يسلمووو

avatar
official alg
عضو اشهاري خبير

البلد : الجزائر
الجنس : ذكر
عدد المساهمات : 536
نقاط النشاط : 652

الرجوع الى أعلى الصفحة اذهب الى الأسفل

رد: اجمل الكلمات عن العراق

مُساهمة من طرف &(حيدر الركابي)& في الأربعاء أغسطس 28, 2013 9:49 pm


احبببك ياعرااااااااااق




التوقيع


avatar
&(حيدر الركابي)&
عضو اشهاري خبير

البلد : العراق
الجنس : ذكر
عدد المساهمات : 1040
نقاط النشاط : 1097

الرجوع الى أعلى الصفحة اذهب الى الأسفل

رد: اجمل الكلمات عن العراق

مُساهمة من طرف Mortada2001 في الأحد سبتمبر 01, 2013 6:23 pm


افجرك يا عرااااااااااااق :vcnsh4w:




التوقيع


avatar
Mortada2001
عضو اشهاري خبير

البلد : العراق
الجنس : ذكر
عدد المساهمات : 637
نقاط النشاط : 835

الرجوع الى أعلى الصفحة اذهب الى الأسفل

رد: اجمل الكلمات عن العراق

مُساهمة من طرف VaMoS AmR في الجمعة مارس 03, 2017 11:57 pm


مشكور يا {الغلا} على مواضيعكـ المميزة في {PUBARAB}
دمت {مبدعا} لنا ولا تحرمنا من كل جديد عندكـ




التوقيع


avatar
VaMoS AmR
إشهاري خبير 90%

البلد : مصر
الجنس : ذكر
عدد المساهمات : 22620
نقاط النشاط : 24228

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدي الابداع العربي فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى