تذكير بمساهمة فاتح الموضوع :

تصيح تقول يا(حرمه)،تحسب إنك تعايرنـي

شنبك اللي تفاخربه ترى اللي جابته حرمـه

تصدق كذبتك دايم مبـادئ حيـل تقهرنـي

(نقص عقلك مع دينك)ترى مليت هالكلمـه

ياجاهل فتح عيونك ياويلك لـو تصاغرنـي

غضب تهديد وإستلمّه وسمّه اللي تبي سمّه

أنا مليت من ظلمك يا(آدم) وش تصورنـي

أذا إني ناقصه بعينك وداعي منتهي الحكمـه

تراني ساكته بكيفـي ،، نصيحـه لاتفجرنـي

غضب شيطان ما اميز مابين الخال والعمـه

عيوبي طيبتي وقلبي حنان وشوق يجبرنـي

علي عكـسك تجي قاسي وكلن راضي بسلمـه

حسافه وقتي الفايت تذكّـر يـوم تِسهِرنـي

على قولة انا عاشق وحبك صابنـي سهمّـه

تذكّر يوم لي تركض ،، تقول يازيـن آمرنـي

علي سنة رسول الله أشيـل الحمـل وآزمّـه

فرحت وقلت هذا اللي أبي في ظلّـه يسترنـي

اذا ضاقت بي الدنيا ،، مسـح دمعاتـي بكمـه

ابي انسى به الدنيا وابـي بالحـب يشعرنـي

ابيه يكون لي فرحـه اذا زاد الزمـن همـه

لكن للاسف غلطـه وهـم كـذاب ساورنـي

جزاتي والثمن عمري..وقتلت بخافقي حلمه..

شكـرا عـلى الـمرور الـعطر
،،

في كل يوم يزداد تألقكِ

ومع كل مشاركة من مشاركاتك

تأخذينا بعيد هناك لنسير بين جمال

الحروف ودقة المعاني وجودة الكلمات

اشكرك كل الشكر علي روائعك التي تتحفينا بها

واتمني لك مزيدا من التقدم والابداع